يوميات اون لاين

اتعودنا م سنتين الا حاجه بسيطه ان يومياتنا كنا بنكتبها ف كشكول ونتبادله لكن طبعا الكشكول بقاله فتره معايا ومش بكتب فيه حاجه وكذلك انت فخليها اون لاين شويه
اليوم/ الخميس الموافق/ 27/8/2009 حكمه اليوم/الحريه شئ لا يمكن الحصول عليه الا باعطاءه
روكا:مساء الخير ايه الاخبار؟ احب احكيلك النهارده عن يومي طول النهار كان يوم حلو اوى واستمتع فيه اوى اوى صحيت الساعه 10 تقريبا وبدات اجهز خسب ما كنا متفقين انا واصدقائي الاعزاء ع الميعاد الساعه 11 اتحركنا ف حاله من اللاوعى النسبي بسبب الصيام والحر وصلنا المحطه واحنا بنتكلم كالعاده ف المشاكل العائليه لكل واحده مننا بالمناسبه احنا كنا تلاته (نودــ نايتى ــ وانا) موفقناش كتير لحد ما لقينا مينى باص بيقول اول عباس طبعا ركبنا وكان يتميز بهدوء غير متواقع جلسنا ف المكان المفضل لنا الكنبه طبعا وكملنا الحديث ظل الهدوء يخيم ع الميني باص بدرجه تثير القلق ما علينا المهم وصلنا ميدان الساعه ف تمام 11:30 لمحل عبايات هناك وللاسف كان لسه قافل مش عارفه ليه؟؟ قررنا نعدي الناحيه التانيه ونركب حاجه لاول الشارع عشان نروح جنينه مول يعنى نضيع وقت ومكنش محتاج الموضوع اى ذكاء ولا سرعه بديهه علشان يفهم اننا كنا مش عارفين نمشي حتى كنا حاسين اننا مش عارفين نتصرف للاننا بقالنا كتير مش نزل لوحدنا ولا عارفين نعدي ولا نوقف ميكروباصات ولا حاجه خالص فكان القرار السليم تاكسي وقفنا تاكسي بعد حوالى ربع ساعه ووصلنا ف اقل من كده لفينا كتير وجبنا حاجات لنايتي وبدانا نستعيد القدره ع التركيز والاختيار بعد حاله اللاوعى النسبي اللى كانت موجود طبعا كالعاده مش بيعجبنى حاجه ولا العجب ولا الصيام ف يونيو ورغم كده كان كل اللى بيعجبنى يخالف وبشد القواعد الايمنيه اقصد الامنيه ف حياتى روحنا محل العبايات مع قليل من التوتر والتردد وبدانا نتفرج ونختار وفعلنا مكنش عاجبني حاجه ولا عارف اختار حاجه وعماله اتمشي جوا المحل زى الطفل اللى مستنى مامته تخلص المهم تقريبا ماما نودى انقذت الموقف واختار العبايه المنشوده وعبايات اخري غير منشوده وبدات مرحله القياس والاختيار كان الاختيار سهل وسريع ولكن المشكله كانت ف الاقناع لحد ما لقيت المحل كله بيقول حلو خديها طبعا الكلام كان ليا انا ونايتى حلوه خديها حلوه خديها المهم اخدنهم واخترنالهم الطرح وكان كله تمام ونالوا اعجاب غير طبيعي من العائله والاهل والاقارب وكان هذا غير متوقع ومررت الساعات حتى آذن الفجر دون احداث تذكر !!!!!والسلام ختام
روكا