شوية بيبيتو

يا جماعه ف كتير منا بيبقى ادام الناس مش بيعرف يتصرف وخايف يتكلم ليغلط

لو مش عارف انت مين او بمعنى اوضح ايه حكاية شخصيتك

وبتحتار كتير مع الناس ومش عارف تعمل ايه؟

خلى الكلمتين دول حلقه ف بوئك ..كن انت نفسك.. حكمه مشهوره بس هل بنطبقها بجد ولا اى كلام

يعنى جربت وانت مره بتقابل حد جديد متعرفهوش انك تعمل فيها مثلا

عبدو المهم,او كيمو الدينجواى,او عم المستعجل,او عبد الهادى الراسى

تصدقوا حاجه صعبه اوى لما تتنكر فى شخصيه غير شخصيتك الحقيقيه

اصلك هتخلى بالك من كل حركه او نفس عشان تظبط الدور بجد بجد خليك ع طبيعتك هى اكيد اجمل من اى شخصيه

هتصنعها ع الاقل ادام نفسك عشان حتى لو عندك عيوب ف شخصيتك تبدا تغيرها للاحسن

سيب نفسك هى اللى تتعامل مع الناس

بس خلى بالك من الكلمتين اللى جايين دول اوى

خلى ليك جانب شخصيتك واحد انت تعمله يقدر يتعامل مع الناس اللى ف كتيييير مبيعرفوش نتعامل معاهم

مش معنى كده تبقى بوشين بس ده للتعامل مع القله دول

ف حاجه كمان حكمه خلى بالك منها..كن قناص..حكمه ف الترالالى بس خلى بالك منها لما تبقى ساعه الجد اوى

ومعاك مشكله بلاش هرتله وخبز وعجن كتيير

قول الكلمتين اللى يوضحوا موقفك وبعدين كلمتين حلك للموضوع

يعنى من الاخر اقتنص اللى ادامك بالكلام القليل اللى ينجيك ويدعم موقفك وبس بلاش كلام كتير عشان متغلطش

وتقع زى المدب ويقلبوا الترابيزه عليك يا جميل

والسلام ختام

Read more...

اذا شعرت بالوحده والغربه بغياب اقرب الناس ليك حتى وانت معه ماذا تفعل؟؟!!!

Read more...

شوية بيبيتو
لو تخيلنا ان المسدس ده عبارة عن اخطائك والدمعة هى الحاجات الصح اللى تشفعلك ادام نفسك
بدون فزلكا:اوك وادام نفسك
ايه اكبر الاخطاء اللى ارتكبتها ف حق نفسك؟
وايه الحاجات الصح اللى حبتها لنفسك؟
ارجوكم محدش ينزعج لو لاقى دماغه فاضيه دلوقتى
فكر بهدوء اوى...ف دماغك ايه.. وراجع نفسك اه هتزعل شويه من نفسك بس مين يعرف يمكن تغير حاجات ف حياتكو
خليك دايما عارف انك لازم تكون غلطت لان دى طبعتناومش مهم انك مش لاقى حاجات صح كتييره عملتها
الاهم انك تزود رصيدك من الحاجات الصح عشان مرايتك مش هترحمك بعد كده
انا مكنتش عايز انشر الرساله دى عشان بتقلق الواحد بس صدقونى هتفرق كتييرمع اللى ياخد بيها
والسلام ختام

Read more...

Read more...

شوية بيبيتو
تيجوا نتكلم شوية عن الحب الغريب انك الحاجة اللى متقدرش تعيش من غيرها هى اللى متعرفش توصفها
زى: جرب مره توصف المياه, الهوا , الحب , الجمال
عارف الاغرب اية كلمه سمعتها من اعز الناس ليا هى:ان يخطفك حب دون انتظار
فى حكمه بتقولك اختر الاختيار قبل ان يختارك ع فكره انا مصدق الحكمة دى جدا لانى جربتها انا اخترت الحب و حبيته من حبيبتى
حتى لو قرأت مليون كتاب لا يساوى نظرة او كلمة من حد بيحبك وكانى ف كل مرة بتولد من جديد
تعليق بسيط لا للحسد اوك
شخص يبقى بيحبك وبيخاف عليك ونفسه تبقى احسن حد بجد حاجه غير عاديه ومتبقاش الدنيا دنيا الا بيه
نخش فى المهم بقى: كده طولنا انا هقول حاجات وحاول تفكر فيها جواك
الاخلاق فى الحب,التكامل فى الحب,الانبهار فى الحب,الصداقة فى الحب,الصدق ف الحب,الجمال فى الحب,الطهاره فى الحب,الشجاعه ف الحب
كلام كتير ف الحب وكل موضوع يتعملوا كتاب بس انا عايز اتكلم ع حاجة واحده موضوع وسمعنا كتيييييير اوى انا مش هفتى فيه بس نتكلم كشباب كتيير من الشيوخ بيقول ان الحب ده طريق من طرق الشهوة الفطرية لدى الشباب ونتيجة لكل اللى بنشوفه ع البى سى والتى فى هما قالوا كده بس انا عايز اقول حاجه لو الشاب من البدايه حط خطوط حمرا فى علاقته بالبنت اللى بيحبهاوالبنت برضو عملت كده مش ده يقضى ع الكلام ده اصلا
والاجمل ان يترسخ فى عقل وقلب الشاب ان البنت اللى بيحبها هى اخته اللى واجب واجب واجب انه يحافظ عليها ويحميها من الناس ومن نفسه يا جماعة اللى يوصل لمعنى الحب عمره ما هيفكر فى الاذى دا الحب من اطهر الحاجات اللى المفروض اننا نحافظ عليها
والسلام ختام

Read more...

I LOVE U ROKA

WHEN I CAN`T SLEEP AT NIGHT

I JUST CLOSE MY EYES

AND REMMBER UR FACE

WHEN U SAY

I LOVE U BEBETO

Read more...